Shporta konsumatore e vjeshtës ka pasur ndikim pozitiv. Kjo u konfirmua nga Enti Shtetëror i Statistikave, statistikave e të cilit tregojnë se shpenzimet e jetesës janë ulur, deklaroi sot Besar Durmishi, ministër i Ekonomisë dhe Punës në “Top Tema” të televizionit Telma.

"Për 2,2 për qind janë ulur  për ushqim dhe pijet joalkoolike, veçanërisht te ushqimi dhe për 2,5 për qind. Për 2,3 për qind, janë ulur për djathin dhe drithërat, me 3,6 për qind për mishin, 2,1 për qind për peshk, 1,1 për qind për qumësht, djath, 5 për qind për frutat dhe 3,3 për qind për perimet. Kjo do të thotë se masa ka arritur efektin. Këtë e pohon Enti Shtetëror i Statistikave, si dhe sindikalistët, përllogaritjet e të cilëve tregojnë se shpenzimet e shportës konsumatore në tetor, për dallim nga shtatori, janë ulur për 960 denarë për ushqim dhe pije", shprehet Durmishi.

Ministri shton se në përllogaritjet në shportën e tyre konsumatore janë marrë parasysh 43 produkte.

"Matematika jonë që bëmë në Ministrinë e Ekonomisë dhe Punës, nëse përllogariten të gjitha 73 produktet, kursimet për një familje do të ishin midis 1.200 dhe 1,500 denarë", shprehet Durmishi